Peyğəmbərlərin peşəsi

Viki Cavab saytından

Sual: Allahın insanların hidayəti üçün göndərdiyi peyğəmbərlərin sənəti və peşəsi nə olub və dolanışıqlarını hansı yolla təmin ediblər?

Cavab: İlahi peyğəmbərlər bu müqəddəs vəzifəyə seçilməmişdən öncə və həmçinin peyğəmbərlik dönəmində İlahi mesajları insanlara çatdırmaq və onları hidayət etmək vəzifəsini yerinə yetirməklə yanaşı dünyəvi həyatlarını və dolanışıq xərclərini təmin etmək üçün bir sıra işlərlə məşğul olublar.

Bu barədə müxtəlif mənbərlərdə, o cümlədən Qurani-Kərim, hədis və rəvayətlər, keçmiş səmavi kitablar, tarix kitabları və başqa qaynaqlarda bir sıra məlumatlar yer almışdır. Göstərilən qaynaqlarda peyğəmbərlər üçün aşağıdakı sənət və peşələr qeyd edilmişdir. Məsələn:

Həzrət Adəm (ə) əkinçilik,[1] dəmirçilik[2] ilə məşğul olmuş və çörək[3] bişirmişdir. 

Həzrət Nuh peyğəmbər (ə) dülgərliklə məşğul olmuşdur.[4]

Həzrət İdris peyğəmbər (ə) dərzi və katib olmuşdur.[5] Müxtəlif yazılı qaynaqlarda iynə ilə ilk tikiş tikən ilk insanın Həzrət İdris peyğəmbər (ə) olduğu deyilir.[6]

Həzrət Hud peyğəmbər[7] və Həzrət Saleh peyğəmbərin (ə) ticarətlə məşğul olduğu qeyd edilmişdir.[8]

Həzrət İbrahim peyəmbərin (ə) peşəsi əkinçilik[9] və bənnalıq olmuşdur.[10]

Onun oğlu Həzrət İsmayıl peyğəmbərin (ə) də sənəti bənnalıq idi.[11] 

Həzrət Lut peyğəmbərin (ə) məşğuliyyəti əkinçilik olub.[12]

Həzrət Yəqub peyğəmbərin (ə) peşəsi çobanlıq və heyvandarlıq olub.[13]

Həzrət Yusif peyğəmbərin (ə) işi ölkənin xəzinədarlığı[14] (maliyyə nazirliyi), şahlıq[15] və kağız istehsalı[16] olub.

Həzrət Əyyub nəbinin[17] (ə) və Həzrət Şüeyb peyğəmbərin (ə) peşəsi çobanlıq və heyvandarlıq olub.[18]

Həzrət Musa peyğəmbər (ə) çobanlıq,[19] əkinçilik[20] və bənnalıq[21] edib.

Qurani-Kərimdə Həzrət Musa (ə) və Həzrət Xızrın (ə) dastanından belə başa düşülür ki, Həzrət Xızır (ə)-da bənnalıqla məşğul olub.[22]

Həzrət Davud peyğəmbərin (ə) işi dəmirçilik,[23] zirehdüzəltmə[24] və zənbiltoxuma[25] olub.

Həzrət Süleyman (ə) hərbiçi,[26] padşah,[27] həsirtoxuyan və sabundüzəldən  olub.

Həzrət Zəkəriyya peyğəmbər (ə) dülgərliklə məşğul olub.[28]

Həzrət İsa Ruhullah (ə) çox səyahət edərmiş.[29]

İslam peyğəmbəri Həzrət Məhəmməd Mustafa (ə) çobanlıq edib və ticarətlə məşğul olub. [30]

Dipnotlar:

  1. Əllamə Məhəmmədbaqir ibn Məhəmmədtəqi Məclisi, Biharul-ənvar əl-cameətu lidurəri əxbaril-əimmətil-əthar, Beyrut, Muəssisətul-Vəfa, 1403 hq, c.103, s.56.
  2. Təbəri, Məhəmməd ibn Cərir, Tarixul-uməm vəl-muluk, Məhəmməd Əbulfəzl İbrahimin araşdırması ilə, Rəvaiut-turasil-ərəbi, 1387 hq, c.1, s.130.
  3. Təbəri, Məhəmməd ibn Cərir, Tarixul-uməm vəl-muluk, Məhəmməd Əbulfəzl İbrahimin araşdırması ilə, Rəvaiut-turasil-ərəbi, 1387 hq, c.1, s.129.
  4. Hud, 37; Qəsəs, 27; Ənbiya, 80; Əllamə Məhəmmədbaqir ibn Məhəmmədtəqi Məclisi, Biharul-ənvar əl-cameətu lidurəri əxbaril-əimmətil-əthar, Beyrut, Muəssisətul-Vəfa, 1403 hq, c.103, s.56.
  5. İbn Rəstə, Əhməd ibn Ömər, əl-Əəlaqun-nəfisə, Hüseyn Qərəçanlının tərcüməsi, Tehran, Əmir Kəbir nəşriyyatı, 1365 hş, s.226.
  6. Məs`udi, Əli ibn Hüseyn, Murucuz-zəhəb və məadinul-covhər, Beyrut, əl-Məktəbə əl-Əsriyyə, 2005, c.1, s.32.
  7. İbn Əsakir, Əbulqasim Əli ibn Həsən, Tarixu Mədinəti Dəməşq, 1995 çapı, Beyrut, c.7, s.443.
  8. İbn Əsakir, Əbulqasim Əli ibn Həsən, Tarixu Mədinəti Dəməşq, Əmr ibn Ğəqamə əl-Əmrinin araşdırması, Beyrut, Darul-Fikr, 1995 çapı, Beyrut, c.7, s.443.
  9. İbn Covzi, Abdurrahman ibn Əli, əl-Muntəzəm fi tarixil uməm vəl-muluk, Məhəmməd və Mustafa Əbqulqadir Əta ailəsinin araşdırması, Darul-Kutubil-elmiyyə, 1992-1993, c.2, s.146.
  10. Bəqərə, 127.
  11. Bəqərə, 127.
  12. Əllamə Məhəmmədbaqir ibn Məhəmmədtəqi Məclisi, Biharul-ənvar əl-cameətu lidurəri əxbaril-əimmətil-əthar, Beyrut, Muəssisətul-Vəfa, 1403 hq, c.103, s.56.
  13. Məs`udi, Əli ibn Hüseyn, Murucuz-zəhəb və məadinul-covhər, Beyrut, əl-Məktəbə əl-Əsriyyə, 2005, c.1, s.41.
  14. Yusif, 55.
  15. Nişaburi, Əbu İshaq İbrahim ibn Mənsur, Qisəsul-ənbiya, Həbib Yəğmayinin araşdırması, Tehran, Elm və Mədəniyyət nəşriyyatı, s.114.
  16. Qəlqəşəndi, Əhməd ibn Əli, Subhul əəşa fi sinaətil inşa, Məhəmmədhuseyn Şəmsuddin, Beyrut, Darul-kutubil-elmiyyə, c.1, s.486.
  17. Təbəri, Məhəmməd ibn Cərir, Tarixul-uməm vəl-muluk, Məhəmməd Əbulfəzl İbrahimin araşdırması ilə, Rəvaiut-turasil-ərəbi, 1387 hq, c.1, s.323.
  18. İbn Covzi, Abdurrahman ibn Əli, əl-Muntəzəm fi tarixil uməm vəl-muluk, Məhəmməd və Mustafa Əbqulqadir Əta ailəsinin araşdırması, Darul-Kutubil-elmiyyə, 1992-1993, c.2, s.146.
  19. Qəsəs, 27.
  20. İbn Covzi, Abdurrahman ibn Əli, əl-Muntəzəm fi tarixil uməm vəl-muluk, Məhəmməd və Mustafa Əbqulqadir Əta ailəsinin araşdırması, Darul-Kutubil-elmiyyə, 1992-1993, c.2, s.146.
  21. Kəhf, 77.
  22. Kəhf, 77.
  23. Səba, 10.
  24. Səba, 80.
  25. Şərif Rəzi, Məhəmməd ibn Huseyn, Nəhcul-Bəlağə, Sübhi Saleh, Qum, Darul-hicrət, 1414 hq, xütbə:160, s.227.
  26. Qəlqəşəndi, Əhməd ibn Əli, Subhul əəşa fi sinaətil inşa, Məhəmmədhuseyn Şəmsuddin, Beyrut, Darul-kutubil-elmiyyə, c.1, s.488.
  27. Ənbiya, 81.
  28. Syuti, Abdurrahman ibn Əbi Bəkr, əd-Durrul mənsur fi təfsiril mə`sur, Beyrut, Darul-fikr, c.5, s.479.
  29. İbn Əsakir, Əbulqasim Əli ibn Həsən, Tarixu Mədinəti Dəməşq, Əmr ibn Ğəqamə əl-Əmrinin araşdırması, Beyrut, Darul-Fikr, 1995 çapı, Beyrut, c.7, s.443.
  30. İbn Kəsir Dəməşqi, İsmayil ibn Kəsir, əl-Bidayə vən-nihayə, Əli Şiri araşdırması, Beyrut, Daru Ehyaut-Turasul-Ərəbi, c.2, s.358.