Ananın övladının qarşısında geyimi
Sual: Ana evdə (mənzildə) və övladının yanında necə geyinməlidir? Bu məsələdə bizə yol göstərin.
Cavab: Ananın övladının yanında ona məhrəm olan şəxslərin yanında geyindiyi kimi geyinməlidir. Yəni, başını, boynunu, əl və ayaqlarını örtməsi lazım deyil. Amma tərbiyəvi və əxlaqi baxımdan ana övladının qarşısında elə geyinməlidir ki, övlada mənəvi zərbə dəyməsin və övlad əxlaqi cəhətdən düzgün inkişaf etmiş olsun. Buna görə də, ananın övladının qarşısında açıq-saçıq paltarlar geyinməsi düzgün deyil.
Şəri hökm
Ailə üzvlərinin övladın gözü önündə bütün bədən üzvlərini örtməsi şəri cəhətdən vacib deyil. Buna görə də, baş, boyun, əllər, ayaqlar və topuqların açıq olmasının eybi yoxdur. (Bacı və qardaş kimi) məhrəm olan kişi və qadın, bir-birinin bədəninə başqa məhrəm şəxslərin önündə olan miqdar həddində baxa bilərlər. [1]
Psixoloji və tərbiyəvi baxımdan
Uşaqlıq dövrünün xüsusiyyətlərindən biri təqlid etmək (təkrar etmək, yamsılamaq) və ülgü götürməkdir. Buna görə də uşaq hər gördüyünü qəbul edir və təkrarlayır. Valideynin, xüsusilə də, ananın hərəkətləri övladına çox təsir qoyur. Uşaq, valideynin rəftarını, etdiklərini və hətta geyim tərzini də görüb götürür.[2]
Övladlar yetkinlik (həddi-buluğ) yaşına çatanda ətrafdakıların geyim tərzi onların vaxtından əvvəl həddi-buluğa çatmasına səbəb olur. Yeniyetməlik dövründən əvvəl hər gün ana və bacısını yarıçılpaq vəziyyətdə görən uşaq daha tez və daha sürətlə cinsi yetişkənliyə çatır və o, ailədə gördüyünü özü də bilmədən küçədə, bazarda başqalarına tətbiq edir və nəticədə daha tez həddi-buluğa çatır. Uşaq böyüdükcə bu məsələyə daha ciddi yanaşmaq lazımdır.
Mənbələr