Əgər Allaha yardım etsəniz, Allah da sizə yardım edər ayəsi
Sual: Muhəmməd surəsinin 7-ci ayəsində insanın Allaha, Allahın insana köməyi nə deməkdir?
Cavab: “إِن تَنصُرُوا اللَّهَ يَنصُرْكُمْ” “Əgər Allaha yardım etsəniz, Allah da sizə yardım edər”. ayəsi möminləri Allah yolunda cihad etməyə təşviq edir. Bu ayə Allahı və dini müdafiə edənlərə Allahın kömək edəcəyini bildirir. Allah bu mövzunun əhəmiyyətini çatdırmaq üçün dinə kömək etməyi və dini maarifi yaymağa çalışmağı özünə kömək etmək kimi şərh etmişdir.
Ayənin mətni
یَا أَیُّهَا الَّذِینَ آمَنُوا إِن تَنصُرُوا اللَّـهَ یَنصُرْکُمْ وَیُثَبِّتْ أَقْدَامَکُمْ
“Ey iman gətirənlər! Əgər Allaha yardım etsəniz, Allah da sizə yardım edər və qədəmlərinizi möhkəmləndirər”. (Muhəmməd: 7)
Kömək etməkdən məqsəd
Bu ayədə Allaha köməyin mənası Allahın dininə kömək etmək, cəmiyyətdə Allahın hökm və əmrlərinin icra edilməsinə kömək etməkdir. Allah yolunda, Allahın adını və dinini yaymaq və ucaltmaq məqsədi daşıyan bütün fəaliyyətlər bu ayənin nümunəsidir. Qurandakı bu ifadələr möminləri haqq kəlməsini (haqqın bayrağını) yüksəltmək uğrunda cihad və mübarizəyə təşviq etmək məqsədi daşıyır ki, onlar bu yolda çətinlikləri qəbul edib, problemlərdən qorxmasınlar. [1]
Allah-taala ayənin davamında, bu niyyətlə (dinə kömək etməklə) əməl edənlərə kömək vədəsi verir.[2] Allah bəndələrinin köməyinə müxtəlif yollarla cavab verir: onlara qeybi yollarla kömək etməklə, düşmənlə mübahisə zamanı dəlil-sübutla möminlərə yardım əbədiləşdirmək və axirətdə də köməklik etməklə. [3] Bəziləri bu ayəni cihada aid edərək deyir ki, əgər müsəlmanlar Allaha kömək etsələr, Allah da onları düşmənlərinə qalib edər.[4]
Müfəssirlərin nəzərinə görə bu ayə Allahın daim haqq-ədalət tərəfdarlarının yanında olmasını açıq şəkildə göstərir. Allah onlara yardım edir, onların əlindən tutur. [5] Bir çox başqa ayələr də bu mənaya dəlalət edir. [6] Allah-taala bir neçə şeyi bir neçə şeyin girovunda qoyub. [7] Diqqət və xatırlamağı insanın yaddaşının girovunda [8], köməyi insanın yardım etməsinin girovunda[9], bərəkət və bol ruzini insanın şükrünün, Öz əhdinə vəfa etməyi insanın vəfadarlığının girovunda qərar verib.[10]
Dinə kömək etmək özünü inkişaf vasitəsidir
Allahın dininə və ilahi əmr və göstərişlərin cəmiyyətdə bərpasına kömək etmək insanın öz inkişafına səbəb olur. Allahın dindar və mömin insanların köməyinə ehtiyacı yoxdur, çünki Allahın əmrləri yerinə yetirilməsə, Allahın zatında zərrə qədər nöqsan yaranmaz, necə ki, bütün yer əhli iman gətirsə, Allaha heç bir faydası olmaz. Bu fəaliyyətin faydaları insana aiddir və insan üçün bir vasitə hesab olunur. [11]
Mənbələr
- ↑ Muhəmməd Huseyn Təbatəbai, Əl-Mizan fi təfsiril-Quran, Beyrut, Əl-Ələmi Nəşrlər İnstitutu, 2-ci nəşr, h.ş. 1390, cild 18, səh. 229. Nasir Məkarim Şirazi, Təfsire Numune, Darul Kutubul-İslamiyyə, Tehran, 1-ci çap, h.ş. 1374, cild 21, səh. 425.
- ↑ Muhəmməd Huseyn Təbatəbai, Əl-Mizan fi təfsiril-Quran, Qum, İslami Nəşrlər İnstitutu, 5-ci çap, h.q. 1417, cild 18, səh. 229.
- ↑ Muhəmməd Cəvad Muğniyə, Təfsire Kaşif, tərcümə: Musa Daneş, Qum, Bustane Ketab, 1-ci çap, h.ş. 1378, cild 7, səh. 112.
- ↑ Fəzl bin Həsən Təbərsi, Təfsire Cəvamil-Cami, tərcüməçi: təcüməçilər qrupu, Məşhəd, Astan Qodse Rəzəvi, İslami Araşdırmalar Vəqfi, 1-ci çap, h.ş. 1375, cild 6, səh. 37.
- ↑ Muhəmməd Cəvad Muğniyə, Təfsir Kaşif, tərcümə: Musa Daneş, Qum, Bustane Ketab, 1-ci çap, h.ş. 1378, cild 7, səh. 112
- ↑ Nəhl surəsi, ayə 128. Həcc surəsi, ayə 38. Muhəmməd surəsi, ayə 40. Maidə surəsi, ayə 57
- ↑ Əhməd bin Məhəmməd Meybədi, Kəşful-Əsrar və iddətul-Əbrar, Tehran, Əmir Kəbir, 5-ci çap, h.ş. 1371, cild 9, səh. 181.
- ↑ Bəqərə surəsi, ayə 152
- ↑ Muhəmməd surəsi, ayə 7.
- ↑ Muhəmməd surəsi, ayə 7.
- ↑ Şəhid Mutəhhəri, Əsərlər məcmuəsi, Sədra nəşrləri, 2-ci nəşr, payız, h.ş. 1374, cild 4, səh. 691-693.