İsanın (ə.s) ölüləri diriltmək gücünə baxmayaraq öldürülməsi

Sual: İsa (ə.s) ölüləri diriltməyə qüdrəti olduğu halda necə öldürüldü?

Yəhudilər İsanı (ə.s) öldürmək istəyirdilər, lakin Allahın izni və möcüzəsi ilə buna nail ola bilmədilər. Quran bu hadisəni belə xəbər verir:

"Və eləcə də «biz Allahın peyğəmbəri Məryəm oğlu İsanı öldürdük» demələrinə görə (lənət və əzaba düçar oldular)! Halbuki onu öldürmədilər və çarmıxa çəkmədilər, amma iş onlara belə göründü (güman etdilər ki, İsa döyüşdə öldürüldü, yaxud onun şəklində olan başqa bir şəxsin öldürülməsini güman etdilər, yaxud da yalandan peyğəmbərlik iddiasında olan İsa adlı birisi bir müddətdən sonra öldürüldü). Həqiqətən, onun barəsində fikir ayrılığında olanlar bu barədə şəkk və tərəddüd içərisindədirlər və o haqda zənn və gümana tabe olmaqdan başqa bir elmləri yoxdur. Onu həqiqətən öldürməyiblər."

Müsəlmanlar ilahi vəhyə əsaslanaraq İsanın (ə) diri olduğuna və öldürülmədiyinə inanırlar və İsanın (ə) ölüləri diriltmək gücünə baxmayaraq, öldürülməsi şübhəsi xristian inancları əsasında qaldırılıb.

Tədqiqatçılar hesab edirlər ki, İsa (ə) çarmıxa çəkilmə hadisəsində və ya digər amillərdən öldürülsəydi belə bu, onun ölüləri diriltməsi möcüzəsi ilə ziddiyyət təşkil etməzdi. Peyğəmbərlərin möcüzələri onlara Allah tərəfindən və risalətlərini sübut etmək üçün verilir və bunda məqsəd insanların imana gəlməsidir. Bu möcüzələrin məqsədi şəxsi mənfəət deyil ki, peyğəmbərlər möcüzələrdən özlərini yaşatmaq və ya öldürüldükləri halda özlərini diriltmək üçün istifadə etsinlər.

Dipnotlar: