“Və əccil fərəcəhum” cümləsinin salavatdan sonra deyilməsi
Sual:
“Və əccil fərəcəhum” cümləsi salavatdan sonra İmamlar (ə) tərəfindən tövsiyə edilmişdirmi?
Cavab:
“Və əccil fərəcəhum” cümləsinin salavatdan sonra deyilməsi İslamın etibarlı hədislərində yer almışdır. Alimlər bu hədislərə əsaslanaraq bu ifadəni salavatdan sonra söyləməyi müstəhəb hesab edirlər.
“Və əccil fərəcəhum” zikri barədə hədislər
1. İmam Sadiq (ə), İshaq ibn Əmmara, əqrəbdən qorunmaq üçün bir dua öyrədərək belə buyurmuşdur:
اللَّهُمَّ رَبَّ أَسْلَمَ صَلِّ عَلَى مُحَمَّدٍ وَ آلِ مُحَمَّدٍ وَ عَجِّلْ فَرَجَهُم
“Üç dəfə bu zikri oxu: “Allahummə Rabbə Əsləm, salli əla Muhəmmədin və ali Muhəmməd, və əccil fərəcəhum.”
Ey Əsləm ulduzunun Rəbbi olan Allah! Məhəmmədə və onun Əhli-Beytinə salavat göndər, onların fərəcini tezləşdir.” [1]
2. İmam Sadiqin (ə) duasından bir hissə:
اللَّهُمَّ صَلِّ عَلَى مُحَمَّدٍ وَ آلِ مُحَمَّدٍ وَ عَجِّلْ فَرَجَهُمْ وَ رُوحَهُمْ وَ رَاحَتَهُمْ وَ سُرُورَهُمْ وَ أَذِقْنِي طَعْمَ فَرَجِهِمْ وَ أَهْلِكْ أَعْدَاءَهُمْ مِنَ الْجِنِّ وَ الْإِنْس
“Allahummə salli əla Muhəmmədin və Ali Muhəmməd, və əccil fərəcəhum, və ruhəhum, və rahətəhum, və sururəhum, və əziqni təmə fərəcihim, və əhlik əədaəhum minəl-cinni vəl-ins.”
Allahım! Məhəmmədə və onun Əhli-Beytinə salavat göndər, onların fərəcini, rahatlığını, əmin-amanlığını və sevincini tezləşdir. Bizə onların fərəcinin ləzzətini daddır, cinlərdən və insanlardan olan düşmənlərini məhv et.” [2]
3. Şeyx Tusinin “Təhzib əl-Əhkam” kitabında qeyd etdiyi hədis:
Əmirəl-Möminin (ə) buyurur ki, Məhəmməd və Ali Məhəmmədə salavatdan sonra bu zikr deyilir:
صَلِّ عَلَى مُحَمَّدٍ وَ آلِ مُحَمَّدٍ وَ عَجِّلْ فَرَجَهُم
“Salli əla Muhəmmədin və Ali Muhəmməd, və əccil fərəcəhum.”
Məhəmmədə və onun Əhli-Beytinə salavat göndər, onların fərəcini tezləşdir [3]
4. İmam Sadiq (ə) buyurur:
“Hər kim sübh və zöhr namazlarından sonra bu salavatı oxusa, imam Məhdini (ə.c) görməmiş ölməz: “Allahummə salli əla Muhəmmədin və Ali Muhəmməd, və əccil fərəcəhum.”
Allahım! Məhəmmədə və onun Əhli-Beytinə salavat göndər, onların fərəcini tezləşdir. [4]
5. Əllamə Məclisi bu hədisin birincisini etibarlı hesab etmişdir. [5]
Bu hədislərin bəzilərinin etibarlı olduqlarını nəzərə alaraq, “və əccil fərəcəhum” zikrinin salavatdan sonra deyilməsinin müstəhəbliyini məsumların (ə) hədislərinə istinad etmək olar.
Mənbələr
- ↑ Kuleyni, Məhəmməd, əl-Kafi, Tehran, Dar əl-Kutub əl-İslamiyyə, 4-cü çap, 1407 h.q, c. 2, s. 570, hədis 6.
- ↑ Kuleyni, Məhəmməd, əl-Kafi, Tehran, Dar əl-Kutub əl-İslamiyyə, 4-cü çap, 1407 h.q, c. 2, s. 583, hədis 18.
- ↑ Tusi, Məhəmməd, Təhzib əl-Əhkam, Tehran, 4-cü çap, 1407 h.q, c. 3, s. 82, hədis 11.
- ↑ Tusi, Məhəmməd, Misbah əl-Mutəhəccid və Silah əl-Mütəəbbid, Beyrut, 1-ci çap, 1411 h.q, c. 1, s. 368.
- ↑ Məclisi, Məhəmməd Baqir, Mərah əl-Uqul fi Şərh Əxbar Ali ər-Rəsul, Tehran, 2-ci çap, 1404 h.q, c. 12, s. 439.