Əhd duasında “Zinətə ərşilləhi və midadə kəlimatihi” nə deməkdir?
Sual:
Əhd duasında gələn «زنةعرشاللهومدادکلماته»“Zinətə ərşilləhi və [1]midadə kəlimatihi”cümləsindən məqsəd nədir?
Cavab:
Əhd duasında gələn “Zinətə ərşilləhi və midadə kəlimatihi” (Allahın ərşinin ağırlığı qədər və Allahın kəlamları qədər geniş) təbiri, İmam-zamana (ə.f) salavat və salamın genişliyini vəsf etmək üçündür. Duanın bu hissəsində, dua edən şəxs Allahdan istəyir ki, İmam-zamana (ə.f) mömin kişi və qadınlar tərəfindən və həmçinin dua edənvə onun valideynləri tərəfindən “Allahın ərşinin ağırlığı və kəlamının genişliyi qədər” - ki, bu da Allahın sonsuzluğuna işarədir - salam göndərsin.
Zinətə ərşilləh“زنةعرشالله”
Allah haqqında “ərş” sözündən istifadə edildikdə, məqsəd kainatda olan varlıqlardır ki, bu da əslində Allahın hakimiyyətini ifadə edir. (1)
“Zinətə ərşilləh” sözündən məqsəd, yəni Allahım! İmam-zamana (ə.f) salavat və salamını göndər, o salavat və salam ki, Allahın ərşinin ağırlığı qədərdir. Duanın bu hissəsində, İmam-zamana (ə.c) kainatın ağırlığı qədər salavat göndərilməsi istənilir. Bir halda ki, onun miqdarını Allahdan başqa heç kim bilmir. Onun əzəmətinin həddini təsəvvür etmək mümkün deyil.
“Midadə kəlimatihi”
«مداد» (midad) sözü, yazıda istifadə olunan rəngli maddəyə (mürəkkəbi) deyilir. «کلمات» (kəlimat) sözü isə, «کلمه»(kəlimə) sözünün cəmidir, əslində danışmaq üçün istifadə olunan “söz” deməkdir. Bildiyimiz kimi, bu dünyada olan hər bir varlıq ayrı-ayrılıqda Allahın elm və qüdrətinə bir dəlildir. Bəzən hər bir varlığa ayrı-ayrılıqda “kəlimatillah” deyilir. Xüsusilə də, bu söz ən çox əzəmətli varlıqlar barəsində gəlmişdir. Qurani-Kərimdə, Həzrət İsa (ə) «کلمه الله»(Allahın kəlamı) adlandırılmışdır.[2]
“Əhd” duasında gələn “midadə kəlimatihi” sözləri, kainatda olan varlıqlara işarə edir ki, onların hər biri Allahın müxtəlif sifətlərinə dəlalət edir.[3] Bu söz, Allahın kəlamlarının genişliyinə, yəni kainatda olan varlıqlara işarədir. “Əhd” duasının bu hissəsində, Allahdan İmam-zaman (ə.f) üçün Haqq təalanın sonsuz olan kəlamları (varlıqlar) qədər geniş salamın göndərməsi istənilir.