Həyat yoldaşını (xanımı) sevmək imanın əlamətlərindəndir?
Sual : “Həyat yoldaşını sevmək imanın əlamətlərindən sayılırmı?”.
Cavab: Həzrət Məhəmməd (s) və Əhli-Beytdən (ə) nəql edilən hədislərin məzmununa əsasən, Allaha iman insanın həyat yoldaşına (xanımına) olan məhəbbətini artırır. Həzrət Məhəmməd (s) buyurur :
«کُلَّمَا ازْدَادَ الْعَبْدُ إِیمَاناً ازْدَادَ حُبّاً لِلنِّسَاء»ِ
“Bəndənin imanı artdıqca, öz həyat yoldaşına (xanımına) olan məhəbbəti də artır.”[1]
İmam Sadiq (ə) buyurur :
«مِنْ أَخْلَاقِ الْأَنْبِیَاءِ حُبُ النِّسَاءِ»
“Qadınları (həyat yoldaşını) sevmək ilahi peyğımbərlərin əxlaqındandır.”[2]
Həzrət (ə) başqa yerdə belə buyurur :
«مَا أَظُنُّ رَجُلًا یَزْدَادُ فِی الْإِیمَانِ خَیْراً إِلَّا ازْدَادَ حُبّاً لِلنِّسَاءِ»
“Kişinin imanına bir xeyir artarsa, həyat yoldaşına məhəbbəti də artmış olar.”[3]İstinad edilən mənbələr
Dipnotlar
- ↑ Mərakeşli İbn Həyyun, Nöman ibn Məhəmməd, “Dəaimul-İslam”, Qum, “Əhli-Beyt” müəssisəsi, 2-ci çap, 2007, c. 2, səh. 192.
- ↑ İbn Əbi Cumhur, Məhəmməd ibn Zeynuddin, “Əvaliul-ləalil-əziziyyə fi əhadisil-diniyyə”, Qum, “Seyyiduş-Şühadə” nəşriyyatı, 1-ci çap, 1984, c. 3, səh. 282.
- ↑ Kuleyni, Məhəmməd ibn Yəqub, “Kafi”, Tehran, Kutubul-İslamiyyə nəşriyyatı, 4-cü çap, 1986, c. 5, səh. 320.