Qiyamətdən sonra başqa bir dünyanın olması

Sual:Qiyamətdən və insanlar cənnət və cəhənnəmə daxil olduqdan sonra yenidən başqa bir dünya yaradılacaq, yoxsa yox?

Cavab: Axirətdən sonra başqa bir dünyanın varlığı əqli cəhətdən mümkün hesab edilmişdir. Hədislərdə onun mövcudluğuna dair dəlillər də qeyd olunur.

Şeyx Səduq və digər şiə alimləri İmam Baqirdən (ə) nəql olunan bir hədisdə qeyd ediblər ki, bu dünyadan əvvəl başqa aləmlər var idi və bu dünyadan sonra da başqa aləmlər olacaqdır.

Bu dünya dağıldıqdan və cənnət əhli cənnətə, cəhənnəm əhli isə cəhənnəmə gedəndən sonra, Allah bu dünyadan fərqli bir dünya yaradacaq və insanları ata-anadan doğulmadan var edəcək. Onlar üçün isə bu yerdən başqa bir yer və bu göylərdən başqa göylər yaradacaq. Yoxsa, elə güman edirsən ki, Allah ancaq bu insanı və dünyanı yaradıb və o dağılandan sonra başqa dünya və insan artıq var olmayacaq? Yox, belə deyil, Allah indiki dünyadan əvvəl minlərlə dünya və minlərlə insan yaratdı və bu mövcud olan nəsil onların hamısından sonra yaradılmışdır.

İstifadə edilən Mənbələr:

Səduq, Muhəmməd ibn Əli ibn Babəvəyh Qumi, “Əl-Xisal”, Qum, “Cəmiətul-Mudərrisin”, səh.652; Məclisi, Məhəmmədbaqir, “Biharul-Ənvar”, “Əl-Vəfa” müəssisəsi, cild 8, səh.374, 28-ci bölmə və 54-cü cild, səh.320-321, Əvalim bölməsi; Əllamə Təbatəbai, Seyid Məhəmməd Hüseyn, “Əl-Mizan” təfsiri, Qum, “Cəmiətul-Mudərrisin”, cild 18, səh.357 və cild 4, səh.146.