Huseynli35: Səhifə "== '''Sual: Qurana əsasən, Peyğəmbər (s) başqaları üçün bağışlanma diləmişdirmi?''' == '''Cavab:''' Allah təala Nur surəsinin ayələrində İslam peyğəmbərinə (s) başqaları üçün bağışlanma diləməsini əmr edir. Digər ayələrdə də Peyğəmbərə (s) mömin kişilər və qadınlar, hətta günahkarlar üçün istiğfar etməsi tapşırılmışdır. Qurani-kərim peyğəmbərin (s) münafiqlər üçün bağışlanma dilə..." məzmunu ilə yaradıldı

2025-10-08T21:59:09Z

Səhifə "== '''Sual: Qurana əsasən, Peyğəmbər (s) başqaları üçün bağışlanma diləmişdirmi?''' == '''Cavab:''' Allah təala Nur surəsinin ayələrində İslam peyğəmbərinə (s) başqaları üçün bağışlanma diləməsini əmr edir. Digər ayələrdə də Peyğəmbərə (s) mömin kişilər və qadınlar, hətta günahkarlar üçün istiğfar etməsi tapşırılmışdır. Qurani-kərim peyğəmbərin (s) münafiqlər üçün bağışlanma dilə..." məzmunu ilə yaradıldı

Yeni səhifə

== '''Sual: Qurana əsasən, Peyğəmbər (s) başqaları üçün bağışlanma diləmişdirmi?''' ==
'''Cavab:''' Allah təala Nur surəsinin ayələrində İslam peyğəmbərinə (s) başqaları üçün bağışlanma diləməsini əmr edir. Digər ayələrdə də Peyğəmbərə (s) mömin kişilər və qadınlar, hətta günahkarlar üçün istiğfar etməsi tapşırılmışdır. Qurani-kərim peyğəmbərin (s) münafiqlər üçün bağışlanma diləməsinin faydasız olduğunu bildirir. Ancaq əgər tövbə etsələr və Peyğəmbər (s) onlar üçün bağışlanma diləsə, Allah onları bağışlayar.

Təfsirçilər Peyğəmbərin (s) başqaları üçün istiğfar etməsini, onun insanlara qarşı olan dərin mərhəmət və şəfqətinin bir təzahürü kimi izah edirlər. Şeyx Tusi Peyğəmbərin (s) insanlar üçün istiğfar etməsini, Allahın mərhəmətinə və bağışlamasına səbəb olan bir lütf kimi qiymətləndirmişdir. Bu ayələr eyni zamanda İslamda şəfaət mövzusunun doğru olduğunu təsdiqləyir.

Qurani-kərimə əsasən, digər peyğəmbərlər, o cümlədən İbrahim (ə), Yaqub (ə) və Musa (ə) da başqaları, xüsusiylə möminlər və bəzi ailə üzvləri üçün istiğfar etmişlər. Həmçinin mələklərin insanlar üçün istiğfar etməsi və möminlərin bir-biri üçün bağışlanma diləməsi də Quranda qeyd olunan digər nümunələrdəndir.

== '''Peyğəmbərin (s) başqaları üçün istiğfarı''' ==
Allah təala Qurani-kərimdə həzrət Məhəmmədə (s) başqaları üçün istiğfar etməyi əmr edir:

“Onlar üçün Allahdan bağışlanma dilə” (Nur surəsi: 62).

Həmçinin, Peyğəmbərə (s) mömin kişilər və qadınlar üçün<ref>Muhəmməd surəsi, ayə 19</ref>, günahkarlar üçün<ref>Al-İmran surəsi, ayə 159</ref> və o Həzrətlə (s) beyət etmək üçün gələn mömin qadınlar üçün<ref>Mumtəhinə surəsi, ayə 12</ref> istiğfar etməsi əmr olunmuşdur. Digər ayələrdə isə münafiqlər üçün Peyğəmbərin (s) istiğfar etməsinin faydasız olduğu qeyd edilmişdir.<ref>Tövbə surəsi, ayə 80 və 113, Munafiqun surəsi, ayə 5 və 6.</ref> Çünki onlar istiğfara inanmırdılar.<ref>Fəth surəsi, ayə 11</ref> Lakin əgər onlar tövbə etsələr və Peyğəmbər (s) onlar üçün istiğfar etsə, Allah onları bağışlayar.<ref>Nisa surəsi, ayə 60</ref>

Təfsirçi alimləri Peyğəmbərin (s) başqaları üçün istiğfar etməsini, o Həzrətin (s) onlara qarşı olan dərin mərhəmət və şəfqətinin göstəricisi hesab edirlər.<ref>Təbərsi, Fəzl ibn Həsən, Təfsiru Cəvamiil Cami, Əhməd Əmiri Şadmehrinin fars dilinə tərcüməsi, Məşhəd, İslam Tədqiqatları Müəssisəsi, 1375 h.ş, cild 1, səh.560</ref> Şeyx Tusi (385–460 h.q.) Peyğəmbərin (s) insanlar üçün istiğfar etməsini, onların haqqındakı ilahi bir lütf kimi dəyərləndirmiş və bunun Allahın məğfirətinə səbəb olacağını bildirmişdir.<ref>Tusi, Məhəmməd ibn Həsən, Ət-Tibyan fi Təfsiril-Quran, Beyrut, Daru İhyait-Turasil-Ərəbiyyi, birinci nəşr, cild 7, səh.466.</ref> Bu ayələr eyni zamanda şəfaət mövzusunu da təsdiq edir.<ref>Fazil Müvəhhidi Lənkərani, Məhəmməd, Əxlaq-Fazil, Qum, Əhli-Beyt (ə) İmamlarının Fiqh Mərkəzi, 1389 h.ş, cild 1, səh.259.</ref>

Mirzə Cavad Məliki Təbrizi belə deyir: Bir gün gecə namazı qılarkən hiss etdim ki, digər vaxtlarla müqayisədə üzərimə daha çox bərəkət yağır. Ertəsi gün araşdırmağa başladım və öyrəndim ki, qonşu məktəbdəki bir tələbə həmin gecə namazının qunutunda mənim adımı çəkərək, Allahdan mənim üçün rəhmət diləyirmiş.<ref>Suruş, “Şərh Qəzəliyat Şəms”, 16-cı dərs, səh.1-2.</ref>

Allah təala Qurani-kərimdə peyğəmbərlərin (ə) başqaları və yaxınları üçün istiğfar etdiklərini bizlərə bəyan etmişdir. O cümlədən:

- Həzrət İbrahim (ə): Atası (əmisi) üçün Allahdan bağışlanma diləmişdir.<ref>Mumtəhinə surəsi, ayə 4</ref>

- Həzrət Musa (ə): Qardaşı üçün istiğfar etmiş<ref>Əraf surəsi, ayə 151</ref>, habelə bəzi İsrail oğullarının bağışlanmasını istəmişdir.<ref>Əraf surəsi, ayə 155</ref>

- Həzrət Nuh (ə): Oğlu üçün istiğfar etmiş, lakin bu, Allah tərəfindən qəbul olunmamışdır.<ref>Hud surəsi, ayələr 45-47</ref> Həmçinin, valideynləri və bəzi mömin qadınlar və kişilər üçün bağışlanma diləmişdir.<ref>Nuh surəsi, ayə 28</ref>

- Həzrət Yaqub (ə): Oğulları üçün istiğfar etmişdir.<ref>Yusuf surəsi, ayələr 97-98</ref>

== '''Mələklərin möminlər üçün istiğfarı''' ==
Mələklərin möminlər üçün istiğfarı Quranda iki formada qeyd olunub:

- Mələklərin iman sahibləri üçün istiğfarı: “Ərşi daşıyanlar (mələklər)...Rəbblərinə sitayiş etməklə yanaşı Onu pak sifətlərlə mədh edər, Ona (öz məqamlarına məxsus) iman gətirər, (insanlardan) iman gətirmiş kəslər üçün bağışlanma diləyərlər...”<ref>Ğafir surəsi, ayə 7</ref>

- Mələklərin yer əhli üçün istiğfarı: “...Və mələklər... yer üzündə olan kəslər üçün bağışlanma diləyirlər...”<ref>Şura surəsi, ayə 5</ref>

== '''Möminlərin bir-biri üçün istiğfar etməsi''' ==
Bəzi müsəlmanlar özləri ilə yanaşı bir-biriləri üçün dua edərək Allahdan bağışlanma diləyirlər.<ref>Həşr surəsi, ayə 10</ref> Təfsirçi alimləri bu ayənin ümumi olduğunu və bütün müsəlmanları əhatə etdiyini bildirirlər.<ref>Məkarim Şirazi, Nasir, Nümunə təfsiri, Tehran, Darul-Kutubul-İslamiyyə, 1374 h.ş, cild 23, səh.522.</ref> İmam Əli (ə) da daima başqaları üçün istiğfar edərdi.<ref>Nəhcül-bəlağə, Xütbə 197.</ref>

== '''Mənbələr:''' ==

Başqaları üçün bağışlanma diləmək - Redaktə tarixçəsi